必勝客海洋公園 研手機App冧客

雅虎香港廣告業務主管陳啟滔（Rico）上周五同黛安講，今年市場投放手機廣告，特別是橫額廣告和搜尋贊助的開支，分別急升90％和兩倍，當中最捨得花錢賣網上廣告的是時裝及家品業，兩者增長都超過一倍。

為了讓大家知悉市場動向，Rico特別請了幾位「Yahoo！Big Idea Chair Awards」得主分享心得。

惠氏香港總經理鍾志偉（Clarence）同黛安講，幾年前公司未有人做數碼宣傳，今天已有一team人負責。之前他們開了一條「學習驚喜頻道」，讓父母upload子女的學習片段，每月平均八萬多人收看，大大提高品牌認知度。

經常分析 調整銷售

但online賣廣告都唔夠，三星電子香港市務總裁周文榮（Lawrence）認為最重要識「搭橋」，將online需求連接offline購物行為。因此他們不時分析網上點擊數據、客人背景及所關注的事項，從而調整前綫銷售。

講到購物，其實Online Shopping都愈來愈流行。海洋公園市務總監李玲鳳（Vivian）話，今年網上銷售生意比去年上升30％。

旁邊的香港必勝客市務董事梁清松（Richard）亦大感認同，之前他用團購推廣新產品，短短40小時已賣出8000份，99.9％買家拎住團購券到分店試食，令他喜出望外。

講起必勝客，其新推的意式手製薄餅、雙層芝味舞台批等，唔少朋友食完都讚好，問Richard仲有咩新搞作，他說要保持神秘，只預告一月會推出一個「好爆」的手機App，大玩360度宣傳，叫黛安密切期待。

Vivian亦不甘後人，考慮到旅客最怕排隊，正研發一個排隊App，等大家邊玩邊等。