時代廣場睇小熊維尼 下周三7-Eleven換木公仔

昨日經過時代廣場真係好驚喜，事關露天廣場已經變身Winnie the Pooh主題樂園！其實上星期黛安已收到公關邀請，商場今日起至4月23日將舉辦本港有史以來最大規模的小熊維尼展覽，入到去就可睇到華特迪士尼檔案館的92件藝術珍藏，當中超過50件更加係全球首度展出，絕對不能錯過！

唔單止咁，昨日7-Eleven的好姊妹亦whatsapp黛安，原來佢哋下星期三（5日）起，將開始換購一套12隻的Winnie the Pooh嘅木製公仔同音樂盒呀！

德國再生木材打造

睇真啲，隻隻公仔都係手作㗎！為咗令仿真度更高，特別選用德國再生森林嘅山毛櫸木，木質細緻均勻，摸上手質地非常好！除咗高質素嘅木材，公仔嘅顏色部分係由人手浸染上色，稱得上每隻獨一無二。12隻公仔分為經典、派對同森林系列，唔同造型都有，引死一班「熊粉」喇！

記住由4月5日早上7點至5月30日，到7-Eleven購物滿$20即送你印花1個，儲齊22個印花就可免費隨機帶1隻返屋企，又或者每5個印花加$25都換到。提提大家，今次7-Eleven特別發售「在森中」免電式木製音樂盒，可以一次過放晒12隻公仔上去，喺森林一邊開音樂，一邊開派對！要買趁手呀！