《藍精靈2》 美芝身世有誰知

有多少人睇《藍精靈》會提出疑問：點解精靈男女的人口比例完全失衡？整條村的女性就只得美芝一個？相信忠實「藍粉」定會知曉，其實早於漫畫年代已記載，美芝極受其他藍精靈愛戴，是因為精靈爸爸把她變靚變好，美芝的「生父」原來是邪惡巫師加達，心底裏蘊藏着邪惡慾念。

適逢今年是《藍精靈》誕生55周年，電影公司乘勢推出第二集，主綫亦落在美芝身上。加達派出兩位「A貨精靈」捉拿美芝，希望取得魔法精華進行邪惡大計，使美芝的頑皮因子盡跳出來。精靈爸爸率領牢騷王、阿靚等再闖大城市，聯同上集的真人主角，一齊勇救美芝，在巴黎街頭展開一場大冒險。整體較上集更流暢，真人加CG效果不俗。

冒險故事總離不開化險為夷的公式，但今次有一驚喜絕招，牢騷王忽然變了積極王，在危難關頭不再抱怨，不持相反意見，反而為大家提供建設性行動，正能量熱爆燈，值得一讚。而戲中更加搶鏡的是貓咪阿沙，為影片帶來搞笑氣氛，𠱁得小朋友放聲大笑。

（本欄逢周五刊登）