《戰神：海格力斯》 改到七彩

來自天神的經典傳奇，Hercules這故事已不知多少次搬上銀幕，像今年初已有一部《大力戰神》，由新人做主角，始終回響不大。新作《戰神：海格力斯》轉由「蠍子王」狄維莊遜扮演大力士，形神俱佳，就算不論演技，始終都可以吸引觀眾入場。

狄維莊遜從美國職業摔角手轉型拍戲，近年加入《狂野時速》系列，更是密食當三番，奠定動作男星地位。在今年《福布斯》荷里活男星收入排名，羅拔唐尼搵錢稱王絕不意外，但有誰估到狄維莊遜是「吸金男二號」？

所謂亂世出英雄，海格力斯是天神宙斯的兒子，半人半神的他自幼在凡塵中成長，經歷人間磨練。《戰神：海格力斯》改編自英國暢銷漫畫，刻意去神聖化，塑造到大力士猶如帶着一班古惑仔四出收數，標榜他的普通人身份，又把他的功績逐一破解，甚麼九頭蛇、半人馬，其實都不是神怪之說，信命運不如信自己，都算有點新意。

有外國評論形容為no brain action film，動作出色但唔使用腦，計我話學麥兜的伙計話齋，都係嗰啲關乎親情、背叛、復仇同打餐死咁囉。（本欄逢周五刊登）