《侏羅紀世界》怕你有牙

恐龍熱潮再次回歸，為了趕上潮流學人寫篇「開箱文」，昨天一大早跑到戲院睇《侏羅紀世界》，原來平日早場的捧場客也不少。

史匹堡當年的《侏羅紀公園》叫好叫座，今次《侏羅紀世界》是講主題樂園在若干年後重開。甫開場，樂園已經遊人如鯽，正好為後段的災難片製造上佳效果。園內大街有一間IMAX影院，播放着恐龍紀錄片，更可謂神來之筆。

話說主題樂園擔心新意欠奉，令生意額下降，於是高層要諗計搞搞新花臣，研發出一頭變種恐龍，聰明絕頂，兇猛過人，從營運管理學去審視侏羅紀，頗具創意。我欣賞導演在傳統中求變，踢走老套，恐龍已不再跟考古學掛鈎，科學家研究的卻是基因遺傳學，結果搞出連場大頭佛。

有時大人糊塗，小朋友卻很機警，一如《E.T.外星人》等經典作品，史匹堡的電影世界總愛用童心出發。基因暴龍出走點收科？今次全靠11歲小主角靈機一觸，以一條簡單數學題，即可以K.O.暴龍，哪怕你有幾多隻牙。