第7000萬人訪港 台灣旅客獲贈$3萬禮券

旅行坐飛機係平常事，但坐到獲贈3萬蚊現金禮券同商務客位機票，唔知大家有無試過咁lucky？黛安講緊嘅係呢位來自台灣嘅幸運兒！佢昨早乘坐國泰航機抵港，有幸成為香港國際機場今年第7,000萬名抵港旅客，見到佢領取贈品時笑得咁燦爛，就知佢開心到飛起啦！

非常lucky嘅台灣旅客林怡茹，佢同媽咪喺曼谷歡度聖誕後，乘坐國泰CX616班機，昨早約10時抵港，計劃當日留港購物及享受美食後再飛返台北。機管局主席蘇澤光和國泰航空企業事務董事鄭家駒，親自喺抵港閘口恭賀佢，國泰送上兩套商務客位機票，可於國泰網絡內來回本港及任何亞洲城市，機管局亦送上3萬港元現金禮券，認真surprise！林小姐話好開心成為第7,000萬名旅客，雖然經常外遊，但今次一定係最難忘。