3香港教人「攞着數」 用App食買玩都有折

聖誕節特別多節目，荷包都易發愁。黛安之前同和記電訊（香港）企業及市場傳訊總監何偉榮（Raymond）傾開，原來3香港之前跨過界唔止搞電訊，仲整咗個着數App「3優越生活」，只要join咗，即刻可享用多重「買一賞一」優惠，無論主題樂園、食肆甚至酒店都有得平，甚至去馬爾代夫都用到𠻹。

送出80萬個帳戶

見到啲優惠咁抵，Raymond都好心動：「好似Catalunya、法國餐廳French Window，之前覺得好貴，但用App每餐最多慳$400，即刻想去食﹗」愛家的Raymond仲話，去海洋公園都有二人同行一人免費，帶仔女去最多慳近$1,400。

講到點解搞優惠，Raymond話品牌一直想傳遞更好的生活畀客人，而優惠唔一定3香港客戶先至有，今個月12日起會送成80萬個體驗版帳戶畀街客，心急人明日（3/12）可以去銅鑼灣碰運氣，入面有40間商號嘅優惠畀大家用㗎！

3香港客戶下載App後只要畀$188，就可用足250間商號嘅優惠，特選客戶仲免費㗎。至於街客畀$388就用得，有效期仲到出年12月30日。

另外黛安仲知道3家居寬頻同3香港，最近搞咗個「固網x流動快閃三重賞」，畀2年月費可用3年服務，除開每月$182，網上申請頭33名客戶仲送埋Lenovo平板電腦，總值$1,999！