迪士尼過新年 向米奇米妮𢭃利市

黛安最喜歡熱鬧過節，所以今個農曆新年打算去迪士尼樂園玩番轉，同一班迪士尼朋友食玩買，米奇、米妮、唐老鴨、小熊Duffy等仲會一起換上全新賀年服飾，聯同首次與大家歡度新歲的貓畫家小東尼，傳遞新春喜氣，聽講大年初一（28日）起，高飛會化身成財神，走到美國小鎮大街與大家見面，樂園又會大派有優惠券的賀年利市、米奇、米妮等的新春主題貼紙，實行歡度雞年！

玩完咁攰，當然要食餐好慰勞自己啦，迪士尼及兩間主題酒店，由即日起為大家準備近60款新春特色佳餚，各有寓意，包括有叉燒豬仔包、蘿蔔及芋頭糕、鮮蝦福袋等的新春富貴全盒；仲有發財盆菜、新春自助餐，令人食指大動！香港居民於3月16日前購買3張或以上「奇妙處處通」，即有85折優惠。