農曆新年前 學生免費玩AIA嘉年華

去嘉年華仲可以免費入場？無錯！只要你係學生哥就ok了﹗友邦歐陸嘉年華噚日公布，攞住全日制有效學生證，即日起星期一至五下午4點後嚟，就可以免費入場﹗

公關姐妹話，學生一向係佢哋目標客源，舊年因為天氣凍，喺一月中推出過類似優惠谷客，結果反應唔錯，今年一早已預了加推免費入場優惠，暫時預計農曆新年前都會keep住有得free。今次揀4點鐘之後有優惠都係遷就放學時間，公關姐妹都話：「尤其大學生上堂時間彈性高啲，落堂之後出嚟玩都易啲受惠啦﹗」

講番嘉年華，除咗必不可少的機動遊戲，仲有好多得意攤位遊戲，今年2月12日就結束，快啲約friend玩盡佢！