中環摩天輪變沙灘 下月辦日落派對

熱愛沙灘派對一族注意！黛安聽聞墨西哥最大的啤酒品牌Corona，將於下月6日（1-10pm）在香港摩天輪舉行Corona Sunsets Festival。只限一天的日落沙灘派對，現場除鋪滿金黃細沙，亦會有音樂派對、日落儀式、本地手作市集、面部彩繪及水紋身體驗等，不可或缺的是人氣美食同埋品牌特色雞尾酒，但派對只招待成人，免費入場之餘，每人仲會有2杯免費啤酒享用呀！

Corona香港市務經理鮑榮祖話，日落沙灘派對已經係第3年喺全球8個國家舉行，佢仲話：「喺現場買Corona雞尾酒5杯，可獲贈摩天輪即日門票2張。」睇到黛安都心思思想去湊熱鬧。

有興趣的朋友由即日至本月31日，可到全港指定便利店消費及參加抽獎，或於本月24日至11月1日參加facebook網上遊戲，都有機會拎走入場門票。