奇華每月推新口味 提升顧客新鮮感

奇華餅家最近有新搞作，三月開始，品牌連續兩個月都有新口味產品，八卦向公關問起，原來係想透過每月搞搞新意思，帶新鮮感畀顧客，嚟緊每個月都會有新招！公關話，上個月推出過朱古力杏仁條，而今個月就到曲奇產品，推出3全新茶味曲奇。

全新產品名茶曲奇，分別係伯爵茶曲奇、紅茶曲奇及玄米茶曲奇，啱晒平日中意品茶嘅「喫茶狂熱分子」。聽講頭兩款曲奇都用咗斯里蘭卡茶葉製成，而玄米茶曲奇就揀選咗日本玄米茶，聽到都覺得食指大動。