時代廣場有街頭小食檔！

時代廣場推出「香港飲食文化」展覽同「街頭小食檔」，一見到露天廣場上的巨型小食檔設計，就覺得好懷舊，難怪時代廣場推廣及管業運作經理馬惟樂（Vernon）話，食物都係文化一種，見到懷舊小食，無論大人定細路都會有興趣，仲話「知道係回味，唔知道就開心」。

Vernon話，籌備小食檔時同事們一齊捐窿捐罉，周圍搵香港已經唔常見嘅懷舊食物，「白糖糕、芝麻卷、糖蔥餅等，好多依家都唔係咁易搵到」。時代廣場今次就邀請咗香港收藏家協會副主席張順光，借出60至80年代香港飲食文化收藏品，包括昔日嘅月餅傳單、月餅會封套等。佢話希望大家一邊參觀，一邊了解背後文化同故事。「以前月餅無咁大個、無獨立包裝、唔係用鐵盒裝」，Vernon睇完展覽諗起好多回憶，叫大家都要把握機會去時代廣場，一齊回味一下！