恒生水哥跑全馬 闖南北韓軍事緩衝區

提起跑馬拉松你會諗起咩？相信好多朋友都會浮現「辛苦」兩個字，但有位鐵漢竟然在14年間完成60個馬拉松賽事，佢就係恒生銀行傳訊及可持續發展總監張樹槐（Walter，水哥）啦。佢喺剛過去嘅星期日，到韓國參加DMZ（Demilitarized Zone非軍事區）國際和平馬拉松（DMZ馬拉松），亦係佢人生第60個全馬，即係「鑽石馬拉松」呀，認真唔講得笑！

講番今次DMZ馬拉松，有成4,000人參加全馬，賽道位於韓國鐵原郡，喺南北韓之間「三八綫」兩公里範圍的軍事緩衝區內，每年開放一次，只有參加全馬賽事嘅人先可跑入去，賽道同「地雷區」更只有一道鐵絲網之隔！跑完後佢仲獲主辦單位送上三公斤韓國飯味最香的「鐵原五大米」，雖然「鑽石馬拉松」冇鑽石，但水哥話有包大米都好滿足喎！