Bo Innovation搬去灣仔 廚魔帶你探索食材起源

最近收到風，「廚魔」Alvin嘅米芝蓮三星餐廳要「搬屋」，正式進駐灣仔J Senses，公關話，新地點地方更大、更引人注目。據講餐廳正式改名「Bo Innovation：The Hong Kong Story」，想帶出一個重點，「加強對食材嘅靈感、演變同起源嘅探索」。

Alvin話新餐廳有「個人情意結」，「我想帶出自己細細個到香港，直至長大成人後嘅所見所聞；希望融合不同的構思，令每一次用膳體驗都令人印象深刻」。

聽講為咗提升用膳體驗，新餐廳會運用創新科技，用視覺投射器做介紹；餐廳門口、牆上和其他設施仲會分別放置著名藝術家CathLove（Catherine Grossrieder）同Wilson Tsang嘅作品，以非凡風格向香港表示敬意咁話。