李錦記辦主題曲創作比賽

李錦記家族深信營造關愛家庭環境好重要，2008年成立嘅李錦記家族基金致力推動快樂家庭關係。聽公關姊妹講，基金早前舉辦「家家作樂—代代有愛主題曲創作比賽」，希望用觸動人心嘅歌曲向公眾推廣家庭和睦信息。

過百首參賽作品中，評審揀咗6首作品，分別頒發金、銀、銅獎、最佳歌曲演繹獎同觀眾至LIKE大獎。品牌仲好有心思，特別幫6首歌製作MV，繼續宣揚呢份愛，噚日開始路訊通有得睇。聽講銀獎得獎歌曲《不要等愛成懷念》嘅MV，仲搵咗藝人石修囝囝陳宇琛做監製。呢首歌由黃毅鵬一手包辦作曲同填詞，希望透過歌曲提醒大家除咗用社交媒體外，亦要多抽時間同家人溝通，即使回家吃一頓簡單晚餐，都可以能表達對家人的愛。