身份證有「5」字 天際100門票買1送1

天際100香港觀景台（天際100）5歲啦，天際100副主席林寶彤話，過去5年天際100廣受市民同外地旅客歡迎，為咗表達對支持者的感謝，邀請全港市民同旅客一齊開party，推出「Sky High 5」優惠迎接「第一個5年」。

今日開始到6月30日，有連5周年慶祝活動，話要「逢5必賞」。慶祝活動第一擊，有港人尊享入場優惠，只要身份證號碼有個「5」字，門票買1送1。身份證無5字都唔好唔開心，憑有效香港居民身份證買成人飛，加5蚊就有1張小童或長者飛，啱晒一家大細。

此外，港人帶1位海外旅客到訪，門票有75折優惠，帶2位就有半價，餘此類推，帶4個人就變免費，即係5人成行1人免費，聽到都覺得開心！