試食麥當勞手撕烤豬堡 《晴報》讀者讚有創意

《晴報》同麥當勞合辦手撕烤豬堡試食會，去湊熱鬧兼八卦參加者反應，好多人話唔止漢堡有新鮮感，試食會形式都好有新穎，叫《晴報》姊妹要舉辦多啲同類型活動！講起今次手撕肉漢堡有創意，麥當勞公關姊妹大讚星級名廚蔡家富（Gabriel）好畀心機，由研發到各個細節都跟到足、畀咗好多意見，「淨係個包都試咗好多款，先組合出依家呢個味道」。

參加試食會嘅讀者又點睇，兩位周先生就話，平時食慣漢堡係一塊塊，轉咗用手撕肉「好特別、都幾有口感」。另外，讀者陳小姐同郭小姐就話，厚切薯條好好味，拍得住高級餐廳，仲提大家話要「趁熱食」。