荷里活廣場變出單車賽道 滑步車體驗尋找小車神

未學踩單車，可以先試滑步車，即係平衡單車。前港隊單車代表兼教練仇多明話，「兒童滑步車被視為兩輪單車先修班，可以訓練小朋友平衡力，更易掌握雙輪單車。」佢仲話，一般小朋友平時大約6個鐘學識踩兩個轆單車，有滑步車基礎，可能半個鐘就搞掂！小朋友想試玩？公關姊妹話，荷里活廣場嘅「Strider小車神滑步遊世界」，係荷里活同香港平衡單車聯會Strider Early Learning Program合作，商場變做「滑步車安全城」，等小朋友可以穿梭賽道。

商場邀請埋1998年曼谷亞運落山單車銅牌得主Brian Cook同仇多明任客席教練，家長去商場消費滿指定金額，憑即日發票帶2至8歲小朋友參加追風學堂，學滑步車入門知識同技巧，完成後有證書同埋限量版星戰系列珍寶珠！