麥當勞後日推凱撒沙律餐

呢排見麥當勞好似有新宣傳，搵麥當勞傳訊部主管林婉梅（Wendy）八卦下品牌有咩新搞作。Wendy笑說，年初因應顧客意見，推出超值套餐薯條免費轉粟米，反應非常好，「顧客覺得有得揀粟米好refresh」。

反應咁好，麥當勞一於諗多啲，希望貫徹「提供更優質、更健康及更美味食物的宗旨」，為喜歡食得清新嘅顧客提供更多選擇。

後日開始，麥當勞再接再厲引入凱撒沙律系列，分別係凱撒沙律同烤雞凱撒沙律，連醬汁都有兩款，分別係凱撒沙律醬同焙煎芝麻醬。黛安聽講，沙律除咗單點，仲可以當超值套餐咁order！如果點凱撒沙律餐，會跟配粒粒粟米杯同中汽水；想食素，麥當勞亦提供無煙肉同芝士嘅凱撒沙律。