《選擇》月刊40周年 開fb專頁

唔經唔覺《選擇》月刊陪咗大家40年啦！自1976年11月創刊開始，月刊透過消費產品測試、投訴實錄等捍衞消費者權益。另一位見證月刊成長嘅就係人稱康哥嘅編輯部員工陸永康，唔講唔知，康哥做過月刊封面人物㖭，佢拎住嗰份就係自己做封面、77年4月出版嘅第6期月刊。

此外，消委會今年仲特登開設Facebook專頁，等大家溫故知新，了解過去40年香港消費文化轉變。聽講專頁會搜羅40年嚟好有影響力嘅文章，例如創刊號專題報道食油檢測、87年發現「穿窿」避孕套等。