涼湯 Gazpacho

最愛屋企湯，但絕非廣東人的老火藥材湯，更非鮑參翅肚，以矜貴食材炮製。

母親去世後，反正家中的印尼姐姐信奉回教，因利乘便，幾年來未煲過豬肉湯，來來去去都是木瓜陳皮雜果仁素湯，偶爾加入自己心愛的雞腳，遇上石九公之類的魚毛蝦毛，也會弄作湯底炮製，但最愛仍是木瓜湯，吃極不厭！原產美洲的食材，除木瓜之外，還有冬瓜、南瓜、牛油果、番茄等等，用作煮弄滋味番茄湯，品種多不勝數。

位於灣仔愛群道、背景赫赫有名的Catalunya西班牙餐廳，星期日中午的Sunday Brunch很受歡迎，個多月前試過排隊訂位非常艱難，那裏美食之豐盛，就算每樣只試少少，但點都食唔晒！當時偏偏愛上蛋中之蛋The Perfect Egg。雖然飲料種類繁多，但我除了西班牙夏日冰涼國飲Sangria，只飲了果汁。

剛過去的星期日，有幸參與Catalunya四周年特別宴請客人親友的Sunday Brunch，喜慶事的鋪排比之前幫襯所見更架勢，可惜自己食量已減，吃不了太多，蛋中之蛋當然encore，滿桌香檳之外，雙眼在種類繁多的果汁擺設間游移，最後落戶過去已喝過無數次，甚至自己落廚炮製的番茄涼湯--Gazpacho。

一般以番茄、橄欖油、蒜頭、麵包等等混合煮弄，再冷卻而成的涼湯，名店弄來變得更滑溜，味道口感少了番茄的「揦喉」，美不勝收，為食貪婪，不斷拿取享用，渾然忘記外面達攝氏35度的高溫！

（本欄逢周三至五刊登）