迪士尼推DUFFY主題商店 老友貓畫家小東尼首次亮相

噚日去香港迪士尼樂園又有開心大發現！期待已久嘅DUFFY主題商店開咗啦！原來迪士尼今次同攝影企業Fujifilm合作，主題店名字叫「小鎮影院：我與DUFFY遊歷之旅」，入面除咗各類Duffy、ShellieMay精品之外，仲有特別設計嘅拍照區𠻹！

聽講長駐全新店拍照區，除咗小熊Duffy同ShellieMay，仲有貓畫家小東尼！佢係Duffy跟住米奇去意大利時相遇嘅新朋友，佢哋嘅相遇仲有段故。話說Duffy同米奇喺港灣碼頭散步，唔小心跌咗手上嘅雪糕，戴住藍色畫家帽嘅小東尼出現，仲用自己條尾點地下嘅雪糕畫畫，同Duffy合作完成一幅米奇圖畫𠻹。想同呢位新朋友見面，快啲去迪士尼探佢哋啦！