捉小精靈熱 新地5大商場迎小黃金周

上星期遊戲Pokémon Go一推出，街上幾乎個個捉緊小精靈。市民變精靈訓練員，各大商場就法寶盡出，「捉」住呢班訓練員，務求食住熱潮谷人流、谷消費。

成功出招嘅包括新鴻基地產，商場上星期頻頻出招吸客，新鴻基地產代理租務部總經理鍾秀蓮話，推廣活動成功帶動銷情，旗下5大商場，包括東港城、wtc more世貿中心、上水廣場、MIKIKI同將軍澳中心短短4日商場人流同營業額各有10％成升幅，玩家人均消費力去到$2,500，為商場迎來突如其來「小黃金周」。

消費$1000有獎賞

講番推廣，新地旗下，連PopWalk天晉滙在內6大商場，成個8月都會繼續定時「撒櫻花」，幫玩家吸引罕有小精靈出沒；喺商場指定商戶電子消費滿$1,000，可以換價值$150嘅iTunes或Google Play card。