美女廚師設計6道菜 教煮得有「營」

領展鮮活街市落力推廣健康飲食，最近仲用「高纖食譜X有營親子便當」做主題，請兩位嚟自國際廚藝學院嘅美女廚師王雪玲同麥詠楓，攜手設計6道高纖有營菜式，等各位一家之「煮」，學識點樣可以食得健康有營。

大廚早前已經開班，教識一眾領展街市服務大使掌握6道高纖菜式，大家今個星期六開始到10月23日，逢星期周六晏晝，都可以喺領展旗下特色鮮活街市，向服務大使取經之外，仲可以即場試食𠻹！聽講菜式所需食材都可以喺街市入面買得到，如果驚記唔晒點煮，唔使擔心，顧客仲可以免費拎食譜返屋企跟住煮。

講起街市大使培訓計劃，其實領展開始計劃，一班大使都係當區居民，參加過一系列培訓課程，包括名廚教烹飪，專家指導表達技巧、待客之道等；再由佢哋同街坊分享街市買餸行情同煮送心得。