迪士尼包裝吸引細路仔 子母香港兩系列獲獎

提起荷蘭皇家菲仕蘭諗起咩牌子？品牌旗下「黑白淡奶」定「美素佳兒」？抑或「子母香港」呢？記得早前菲仕蘭（香港）董事總經理HarveyUong接受傳媒訪問時講過，今年公司重推牛奶飲品品牌「子母牛奶」，子母香港重點target兒童市場，短短幾個月，就成功拎到獎，認真可喜可賀！聽講子母香港今次喺「亞太區卓越大獎2015」的「Relaunch」類別獲大獎唔係咁易，中途過關斬將，經過亞太地區企業內部及代理機構專家評審，先可以從入圍機構脫穎而出，成為2015年公共關係及傳訊領域的最佳案例之一。

Harvey話，子母香港今次推出兩大產品系列--target家庭成員的天然純牧、以及與迪士尼合作、為小朋友而設嘅Milky系列；強調同消費者分享奶類製品專業同故事，公關仲話，Milky系列啱晒小朋友，「食量相對細，110毫升包裝做茶點啱啱好」。