財爺搞Gag拍片 為港旅遊業打氣

聽旅發局總幹事劉鎮漢講起，佢哋拍「旅業展望」短片，他笑說：「一開始諗過搵岳少（主席林建岳）做主角，後來大家諗諗下覺得財政司司長曾俊華形象好適合。」問岳少點說服財爺做主角，他講笑說「捧紅你」，當然不是，因為財爺很支持本港旅遊業界，所以他跟財爺說，可以拍一條激發香港精神的宣傳片，財爺反應爽快，不用五分鐘即應承。公關姊妹補充，旅發局每年都會拍片，今年希望用「發揮香港本色，We Make The Difference」做主題，帶出香港有好多不同特色，同旅遊業界打打氣。

大家都知財爺喺母校喇沙教劍擊多年，拍攝團隊就去喇沙取景，同學仔仲一齊出鏡𠻹！唔講唔知，財爺好有表演天份，用Gag帶出主題。好似學生講：「阿Sir話齋，無論鍾意傳統定新派」，財爺就答：「區區都有Surprise！」

姊妹話，財爺好pro，基本上一take過。短片四月中有得睇，大家記住要留意啦！