80後的士司機 寫Page講好人好事

facebook專頁「我的你的紅的」，日前分享一篇題為《不足勝有餘》嘅文章，講起一位年輕乘客唔夠錢搭車，司機原本打算唔收錢，結果對方堅持將身上幾十蚊畀晒佢。寫page嘅張先生同黛安講估唔到咁多人Like篇文，笑言：「噚晚開工電話係咁響」。

呢位80後紅的司機只係間中做part-time，「做咗呢行好短時間，平時鍾意揸車，揸的士呢行好自由。」講到點解寫page，佢話係想分享多啲平時無人留意嘅好人好事，又提到：「好多comment讚我好人，其實唔止我，好多的士同業都好好人，只係佢哋無講出嚟。」張先生又講起，有人留言問「好事一定有需要講出嚟？」佢就覺得，「咁多人留意到至發現真係有需要講，等大家有多啲正面信息。」

傾傾下，張先生又話，除咗好人好事，未來會喺page度寫一啲「好多人都唔知嘅的士法例同故事」。