麥記CYT有得揀大啡菇 精選漢堡6pm後減10蚊

麥當勞同本地設計師Suki Shroom合作，推出一系列9款、以9間CYT店做主題嘅「菇」店貼紙。食CYT漢堡前，將相上載到Facebook或者Instagram，再Hashtag「#CREATEYOUR TASTEHK」，就可以得到特選「菇」店貼紙一張。

麥當勞推出Create Your Taste（CYT）漢堡後，大家隨時想食邊樣餡就自己揀，相信大家都試過好多款。麥記又有新搞作，將大啡菇都加埋做「主菜」，BBQ就咁燒大啡菇食得多，唔知夾入漢堡又係咩滋味呢？

黛安聽講，佢哋粒粒CYT大啡菇都揀波蘭入口，貪佢菇味濃兼夠juicy，睇相都覺得吸引，平時鍾意食菇嘅人真係唔可以錯過。望住30款食材覺得自己好似有選擇困難症，唔知點揀好？麥當勞仲有三款全新廚師精選漢堡，大啡菇田園堡、蘑菇安格斯同綠野安格斯。好似黛安咁鍾意啖啖食到大啡菇，就梗係先試第一款。

知道大家都會好踴躍試新嘢，麥當勞仲推出優惠，每晚6點後，喺9間CYT餐廳食廚師精選漢堡套餐，每個餐都有10蚊discount，真係要搵埋班姊妹一齊去試下啦。