MegaBox尋迪士尼花蛋

復活節就到，為咗等大家有得玩住過節，MegaBox總監文靜芝（Czarina）話，MegaBox即日起到5月2日舉辦「迪士尼花蛋出遊@MegaBox」，商場5樓中庭會布置成睡公主城堡花園，仲有15隻迪士尼卡通人物造型花蛋，Mega Club會員可以即場9折做埋迪士尼「奇妙處處通」會員。此外，10樓嘅溜冰場仲會舉辦「迪士尼花蛋出遊攝影區」及「扮演迪士尼朋友賞您溜冰」等活動，大家消費滿7,800蚊或以上，就換到一張迪士尼樂園一日標準門票。

Czarina預計，MegaBox復活節期間人流及營業額可較平日增長一至兩成；而商場今年首兩個月營業額按年增長約5至8％，當中食肆、戲院及百貨表現較好，戲院個別日子營業額增長四至五成𠻹。