人人玩得facebook直播啦！

舊年年尾facebook開始畀用戶試用分享直播視像功能，唔係名人或者無藍色剔都可以玩live！黛安上星期收到消息，今個月19號開始，香港iPhone用戶陸續都會用到直播功能啦！點先知道用唔用到？大家撳近況更新時，搵到「直播視像」個公仔（紅圈）就有得玩live！喺直播開始之前，仲可以揀埋分享對象，去旅行時想放閃光彈又唔想畀某啲人睇到，啱晒！聽講廣播期間，用戶可以睇到直播觀眾數量，知道邊個朋友睇緊，朋友仔都可以即時留言回應，唔知幾時到我呢？