領展回收樂器 贈基層兒童

講起學音樂，黛安記起細個時，唔係個個屋企都負擔到買樂器。最近收到姊妹信息，領展透過「愛‧滙聚計劃」撥捐50幾萬畀音樂兒童基金會，就係希望基層小朋友都有機會接觸音樂。

今次計劃早在舊年年底開始，領展旗下十個商場一連六個周末設捐贈點，最後收集到75件樂器，包括小號、長號、法國號、大提琴、長笛、雙簧管及鋼片琴等。經檢查、修理同配對後，呢75件樂器送到喺基金會學樂器嘅基層兒童手上。領展企業傳訊及對外關係總監盧炳松（BC）話，「讓基層兒童有機會接觸音樂，可以培養佢哋對音樂興趣同發掘潛能，呢班小朋友仲會去唔同場地表演，喺社區推廣古典音樂，希望用音樂連繫好生活。」