會展青衣設調度區 每日安排逾600車灣仔卸貨

最近好有食神，皆因會展管理公司董事總經理梅李玉霞（Monica），同會展中心飲食總監文志成、中廚部行政總廚譚國聲一齊，又有驚喜畀我哋！黛安一見到menu就好好奇，「出水芙蓉爭吐艷」、「浣紗沉魚嬌影照」、「落雁閉月不羞花」，睇名都覺得有意思。原來出水芙蓉係龍蝦、落雁就係乳鴿。

品嘗美食之餘，Monica講起去年工作亮點，黛安覺得好讚嘆。舉個例，原來最高峰時會展每日喺卸貨區進出車輛平均有631架次！大家試諗下灣仔區交通咁繁忙，究竟如何做到「逾600架車順利到會展卸貨又唔阻塞交通呢？」原來佢哋係青衣有個貨車調度區，通宵達旦運作，貨車收到指示先會由青衣開往灣仔，系統24小時運作，係咪要畀個Like先？