《職業特工隊：叛逆帝國》

有請小鳳姐，齊鼓掌……湯告魯斯狀態大勇，回歸最成功個人品牌《職業特工隊》，新作《新鐵金剛：智破叛逆帝國》，呀唔係，應該係《職業特工隊：叛逆帝國》才對，不過無論格局、橋段都極富「占士邦」影子，其實從第三集開始已有迹象，從傳統美劇包裝成為美版007，今集特別明顯，連女主角造型都似足邦女郎。只是男配角謝洛美維納、西蒙柏奇身形都稱不上高大，或許是與拍檔靚佬湯有關。

甫開場，靚佬湯先來個下馬威，單人匹馬跳上戰機，還要先起飛後上機，從宣傳片段都可見他拉着機門升上半空，展示最強實力。其後的電單車飛馳、易容術，可說是向前集致敬，雖然有點熟口熟面，但兩小時鬥智鬥力，整體動作場面流暢，觀眾應該收貨。

唯一感到意外的是，導演曾編寫近至《異空戰士》，遠至《非常嫌疑犯》的劇本，今次的布局可謂大眾化得令人驚訝。講起特務西裝友，下月中有《特務型戰》接力登場，由「超人」亨利卡維爾主演，且看會否有多一點新意。