網購Tina's Choice 劉天蘭教打扮

「形象教主」劉天蘭（Tina）自家品牌Tina's Choice兩歲生日啦！記得去年見到Tina是在Zalora Marketplace的活動，當時她笑說自己最愛網購，唔夠一年就聽到品牌好消息，今個月15號，網購平台（www.tinaschoice.com）正式「開張」。

Tina搵咗好友、天后莫文蔚（Karen）為品牌明星系列「打頭陣」，究竟教主加天后crossover擦出怎樣的火花？Tina親自設計的手鏈「愛自己Love Yourself」就是答案。黛安聽講，兩位潮流icon都覺得，自己的光芒源自「愛自己、做自己」呢個信念，好似Karen的座右銘一樣——懂得愛自己就能擁有漂亮人生。

Shopping之外，黛安收到風，網站將會開設「網上形象學堂」，Tina變身學堂校長，分享打扮知識同配搭貼士。黛安相信，世界上沒有醜女人，只有懶女人，跟教主學番兩招傍身，想醜都唔易！穿衣打扮有外在美，加埋心懷自信，連靈魂都會發光發亮，自然好似兩位美人一樣，散發自信光芒啦！