聖誕正日平食Buffet $168埋單

佳節當前，出門吃聖誕餐是少不免。但想保住荷包健康，當然要花啲心思。黛安最近就收到風，原來鰂魚涌美食廣場「7號美食共和國」會喺平安夜同聖誕節正日，搞兩日期間限定聖誕自助餐，每位大人收$168，好抵食﹗相信大家最關心有咩食？黛安睇過菜單：聖誕火雞、cupcake、刺身、燒帆立貝等，夾埋成30幾款，一家大細都啱食。公關姐妹推介必試日本新派卷物、印巴廚師嘅主理咖喱雞同韓國老伯地道泡菜煎餅𠻹﹗佢仲話今次搞自助餐係想喺商業區度吸多啲街坊客，抗衡「聖誕被逼捱貴嘢」嘅風潮，如果效果理想或考慮長期推出。今次名額僅100位，大家要喺本月18號前訂位呀。