連詩雅囡囡滿月笑笑口勁得意 坐月Keep住靚：餵全人奶唔容易

連詩雅（Shiga）和陳家樂的愛女出世已經一個月，Shiga分享囡囡陳星頤的滿月靚相，見到星頤臉仔圓圓，眼仔大大，而且非常活躍手腳不斷撐來撐去，相當可愛。陳家樂一直在馬來西亞拍戲，跟兩母女相隔多時，他都不禁留言說：「咁就1個月，好想快啲返嚟見吓！」至於新手媽媽Shiga都慨嘆做媽媽真不容易。

同場加映：反起跑線聯盟線2｜朱茵冷靜應對青春期囡囡無限要求 潘燦良冇壓力與太太樂享二人世界

{{hket:ul-video id="11059"}}{{/hket:ul-video}}

{{hket:inline-image name="OLL.jpg"}}{{/hket:inline-image}}

{{hket:inline-image name="POO.jpg"}}{{/hket:inline-image}}

{{hket:inline-image name="IOO.jpg"}}{{/hket:inline-image}}

Shiga上月18日在老公陳家樂的陪同下順利誕下愛女陳星頤，不過由於家樂一直在馬來西亞拍劇，短短逗留幾日陪妻女之後，就要返回劇組繼續開工，只能透過視像見證愛女每日的變化。昨日陳星頤滿月了，Shiga都有趁BB滿月分享她的近照，見到星頤著住白色連身衣，頭戴住可愛的粉紅色蝴蝶結頭飾，相當可愛，特別Shiga捕捉到她睡夢中甜笑的一刻，絕對難得。影片中，星頤全程都手腳撐撐，十分活躍。由少女到人妻再變成媽媽，Shiga都感慨一切不容易，她留言說：「我嘅寶貝星星一個月快樂。#Camila1monthold #陳星頤 #即係我已經做咗一個月媽媽 #原來餵全人奶真係唔容易 #但係聽好多人講會令到BB免疫力強啲 #咁就唯有辛苦啲啦 #真心真心respect所有媽媽 #我終於體會到啦 #希望星星繼續健康長大」

坐月媽媽大部分都睡眠不足而且非常勞累，不過上星期Shiga分享近照，仍然Keep得住靚樣，相當厲害！Shiga搞笑喺IG Story分享星頤微笑的照片，並留言說：「唔好俾呢個笑呃到，喊起上嚟真係地震咁！」星頤原來中氣十足，咁應該可以遺傳到媽媽唱歌的優良基因，將來可以母女合唱。由於留下Shiga照顧BB女，陳家樂都不忘慰問：「辛苦媽媽啦！等我返黎到我餵啦！」有網友搞笑留言說：「等到你返嚟先餵會餓親BB喎！」

撰文：娛樂組