愛回家丨Elaine飛甩Andy大叔再有「新戀情」？ 李芷晴遇「高手」：可放心著高踭鞋

《愛回家之開心速遞》的接龍集團事隔一段長時間，疑再有新戀情誕生，事關昨晚一集Elaine（李芷晴飾）暗暗發現阿壯（焦浩軒飾）原來一直默默OT，以免影響上司對他的表現作負評，兩人深夜在公司食嘢飲醉互吐心聲，似乎關係更上一層樓。李芷晴接受本網電話訪問，她直言兩人劇中關係有所轉變...

同場加映：Hey Hey OK│Anson Lo認係OK man易話為排第二 不斷受攻擊怕被誤會抹殺努力

{{hket:ul-video id="10980"}}{{/hket:ul-video}}

再見‧枕邊人│李芷晴性感露3吋事業線勝張曦雯 甩純純兔形象面目猙獰備受讚賞【下一頁】

{{hket:inline-image name="step17.jpg"}}{{/hket:inline-image}}

昨晚一集「OT Buddy」提到阿壯一直聲稱被上層錦松（劉家聰飾）照顧，可以任意妄為，但其實錦松對他相當高要求，而且工作量非常重，阿壯為了不想被睇死，所以靜雞雞等所有同事收工後，才返回辦公室繼續「OT」完成工作，相當勤奮。Elaine雖然是尋寶圖的職員，來自不同部門，不過知悉阿壯的堅持後，大受感染，兩人齊齊收工後留辦公室「OT」，更互相扶持為大家準備食物和咖啡。

網友睇完呢一集，雖然未知會唔會成為CP，但都感受到滿滿的「粉絲泡泡」。Elaine對上一段「戀情」就是跟Andy（崔錦棠飾），由於Andy癡戀Elaine，加上男家的「愛生事」家庭，經常都鬧出不少笑話，可惜兩人最終分手收場。至於阿壯是《愛回家》之中的「失戀王」，先後跟Angel（車婉婉飾）、Heidi（關嘉敏飾）、Latte（鄧伊婷飾）等拍拖，可惜次次都分手收場，更跟男小巴司機有「霧水」情緣，認真搞笑，到底今次會否成為新CP呢？

李芷晴表示：「今集講我哋因為OT嘅原因所以friend咗，之後其實我哋後續都會仲有一啲唔同嘅故事發展嘅，所以希望大家都期待下，我自己都期待咗呢一集出街好耐。」提到焦浩軒身高1.8米，本身都高䠷身材加上擁有長腿的李芷晴笑言可以無後顧之憂，「其實我都唔矮嘅，不過對住阿焦就可以放心着多啲高踭鞋。其實同阿焦識咗好耐，一直都比較少機會同場，不過諗番其實我第一次出現喺《愛回家》就係同佢同場，果陣我仲未係Elaine，阿壯仲係大學生，我係佢同學Fanny！阿焦係一個好認真做野嘅人，我哋每次埋位之前都會傾下各自對劇本嘅理解，同埋會對下戲感受下對方嘅節奏。其實今次同阿焦嘅合作同以前同棠哥（崔錦棠）嘅合作感覺好唔同，以前同棠哥可能就會偏向喜劇歡喜冤家嘅形式演繹，同阿焦就係嗰種比較淡淡然啲嘅情感上嘅戲，點樣由互相影響到變成好朋友，之後再慢慢有其他嘅劇情發展，對我嚟講都係一個新嘅嘗試，所以都好開心。」

對於阿壯是《愛回家》的「失戀王」，會否擔心CP壽命？李芷晴笑言：「我哋自己都有研究過，其實阿壯已經喺《愛回家》拍過好多次拖，成日都失戀，我都希望Elaine對於阿壯嘅意義係唔同嘅，暫時都係一對互相扶持嘅好朋友。我都有特登留意下網民嘅留言，暫時見大家幾鍾意我哋呢個新鮮嘅組合，我都少少透露下，嚟緊都會有啲網民應該會有驚喜嘅場口，希望大家會期待我哋之後嘅發展啦！」

撰文：娛樂組