《愛回家》細陳丨姚亦澧IG狂曬東京生活日常相 被梁思浩爆移居日本？本尊親自回應

在《愛回家之開心速遞》中飾演「細陳」一角的姚亦澧（原名：姚浩政）在劇中經常孖住爸爸「大陳」（黃成想飾）跟大龍生（羅樂林飾）作對，不時鬧出笑料，不過已經事隔一段時間，未有見細陳的出現。日前，梁思浩在社交平台分享一張跟姚亦澧的合照，「亦禮老師從日本回來，明天回日本，當然要見一見面，聚一聚舊。」字裡行間，似乎暗示姚亦澧已定居日本，只是短期回港快閃。

同場加映：反黑英雄丨朱晨麗甩港姐光環北上由低學起 唔介意被嘲P圖整容：睇劇知真相

{{hket:ul-video id="10847"}}{{/hket:ul-video}}

{{hket:inline-image name="bcnn.jpg"}}{{/hket:inline-image}}

{{hket:inline-image name="rcdfg.jpg"}}{{/hket:inline-image}}

姚亦澧的IG所見，他連月來都有分享自己在日本的生活日常，除了在東京市內遊走之餘，亦有到近郊地方散步，似乎早已適應當地的生活，莫非已經移居日本？姚亦澧接受本網查詢，他表示：「多謝關心。我唔係移居日本呀！之前同公司請咗假，呢次喺日本主要係處理一啲生意上嘅事情同喺日本上堂（進修）裝備自己。嚟緊8月我會返TVB。你見到啲監製記得幫下手同佢哋講聲叫佢哋安排工作畀我，嚟緊返香港希望可以比大家見到一個不一樣嘅姚亦澧！」

問到姚亦澧所經營的生意，他表示：「現今嘅年青人都會為自己早兩手準備，呢段時間學習做馬來西亞日本嘅地產生意，為自己增值，自己對演戲都仲有一團火，不過始終做演員個壽命有限，所以想喺工餘嘅時間去學多啲嘢，將來有一日，觀眾已經唔再鍾意睇姚亦澧做戲，自己都有條後路！」

姚亦澧2006年參加《香港先生選舉》後加入娛樂圈，並簽約成為TVB旗下合約男藝員，主要做主持或者參與劇集不同的角色。由於口才了得，他曾開辦司儀課程及主持九龍巴士路訊通節目，又建立過網台「合則來」，2019年1月起由「姚浩政」正式改名為現時藝名。

{{hket:inline-image name="yh.jpg"}}{{/hket:inline-image}}

{{hket:inline-image name="118023643_1499539310235327_1360797444993351537_n_600.jpg"}}{{/hket:inline-image}}

撰文：娛樂組