66歲恬妞罕有現身與謝玲玲相聚 相識過半世紀皮膚緊緻終極凍齡

現年66歲「金馬影后」恬妞近年甚少幕前演出，亦好少出席公開場合，觀眾要見到佢就要睇佢閒時同好友聚首，happy share嘅合照，早前佢就同一眾好友新年聚會，狀態依然弗到爆！

同場加映： 狀王之王｜陳浩民唔怕壞男人形象用作品說話 拍爆炸戲冇替身死頂：侷住上轎

{{hket:ul-video id="10125"}}{{/hket:ul-video}}

{{hket:inline-image name="2.jpeg"}}{{/hket:inline-image}}

同恬妞同樣來自台灣嘅林建岳前妻謝玲玲日前於社交平台分享同恬妞等好友茶叙嘅照片，睇番佢哋標示嘅地點，謝玲玲係返咗台灣，佢留言：「人生最幸福的事，擁有至真的家人，至善的朋友，至美好的自己！」梳著All Back丸子頭嘅恬妞，雖然有啲白頭髮，但臉色紅潤，皮膚仲緊緻又白滑，外形同廿年前都唔太大分別。

相中恬妞一如以往咁可愛調皮的，影相時嘟嘴又畀韓式手指心心，直頭可以做表情包；同謝玲玲嘅打扮都好young，兩姊妹都唔似年過半百。網民都留言大讚：「恬妞老了都好靚！」、「恬妞真美呀。」、「兩個狀態都太好了，優雅有氣質。」等等。恬妞和同謝玲玲相識已超過50年，兩人之後來港發展，至今依然keep到姊妹情，實在難能可貴。

圖片來源：Instagram