《思家大戰》負評如潮網民求腰斬 插李思捷低級趣味：錯在太有自信

由李思捷主持嘅《思家大戰》開到去第3季，當然都係收視好先有得一直添食，雖然收視好，不過口碑就認真麻麻，日前就被網民口誅筆伐，喺討論區以《李思捷個思家大戰真係好老尷》為題，跪求無綫早日將節目腰斬。

同場加映： 新聞女王丨佘詩曼放慢腳步享受演戲兼陪家人 自嘲頭髮天然攣每晚必做一件事

{{hket:ul-video id="9751"}}{{/hket:ul-video}}

李思捷喺討論區中被彈到體無原膚，窮一生鑽研嘅「搞笑」事業被彈到一文不值，網民留言都不留情面：「幽默呢啲嘢真係講天份，動作好造作，表情又唔得，笑點又無，但又一副懶幽默嘅樣。」、「最慘係，佢以為自己好好笑好幽默。」、「知唔知點解條友每一次問人都係要重新講多次條題目？」、「自信係緊要……但佢錯在太有自信尷尬足成集。」、「我覺得李思捷嗰種唔好笑扮好笑， 尷尬到打冷震，表情仲要唔知想點，題目懶clickbait，但實情好悶，先最好笑。」、「佢啲表情真係好X癲，好似啲阿叔懶搞笑。」

{{hket:inline-image name="2.jpeg"}}{{/hket:inline-image}}

有人更諷刺佢係「喜劇泰斗」，亦不齒佢講有味低級笑話：「每次睇啲預告都係見佢講埋啲佢以為好好笑嘅黃色笑話。」、「好多問題最後都係想啲嘉賓講同性有關嘅答案。」就連嘉賓們都成為攻擊對象：「成班嘉賓皮笑肉不笑嘅笑容，係呢套嘢特色。」、「呢套嘢係睇啲嘉賓幾X蠢同離地。」、「上去玩嗰啲好多都蠢，答案係幾多個嗰類嘅問題都答到重覆。」、「啲嘉賓個樣先尷尬，個個扮晒hyper咁。」

李思捷10歲時舉家移民加拿大密西沙加，在多倫多大學美術系學士畢業後，到美國攻讀導演及電腦動畫課程。於1998年回流香港，曾參加由香港商業電台為周星馳電影《喜劇之王》宣傳而舉辦的「喜劇之王訓練班」，在100多名學員中獲得最優秀學員前五名，他的出道作就是在《喜劇之王》中扮演一名茄喱啡性質的導演。

李思捷加入無綫電視後出演多套劇集，又經常參與無綫的「扮嘢show」，喺多年《萬千星輝賀台慶》中，都有份與阮兆祥和王祖藍合組「福祿壽」獻技，無綫更開設節目《荃加福祿壽》及劇集《荃加福祿壽探案》。李思捷經常於節目中扮演城中名人，2013年更「單拖」主持整蠱節目《玩嘢王》。李思捷2008年自導自演獨立電影《金國民》，並獲2008年香港亞洲獨立電影節特別大獎，佢同時亦係歌手，2000年時出過Dog.Com粵語專輯。亦與王祖藍，阮兆祥於香港，美國，加拿大，馬來西亞等地開過多場演唱會，2012年於香港紅磡體育館舉行演唱會。2021年8月由經理人改為部頭合約。同年主持無綫電視遊戲節目《思家大戰》，並憑此節目獲得《萬千星輝頒獎典禮2021》「最佳男主持」。

圖片來源：電視截圖