叱咤頒獎禮記者會｜1/2隊ERROR出席Dee哥冇心機胃痛 每年承諾玩大啲：拎組合獎就切脷

ERROR成員今日只得何啟華（阿Dee）和隊長梁業（肥仔）出席一年一度的《叱咤樂壇流行榜頒獎典禮》記者會，每年都因期待得到「我最喜愛組合」獎而許下承諾的他們，今年再玩大啲，感胃痛的阿Dee笑言，若得獎會切脷，十分誇張。

同場加映：麥明詩認愛盛勁為邊個追邊個？ 男友識做「滲入」未來外母社交平台

{{hket:ul-video id="9475"}}{{/hket:ul-video}}

{{hket:inline-image name="4.jpeg"}}{{/hket:inline-image}}

成員吳保錡飛往美國跑馬拉松，至於郭嘉駿（193）因為要做舞台劇，二人缺席頒獎禮記者會。阿Dee悉心打扮到場，自稱要瘦身，經常以齋啡加水去腫而感到胃痛，不過就笑謂：「今日都唔齊人，193同保錡唔喺度我哋個心有少少唔舒服，行紅地氈時我已經冇乜心情，今日訪問只做一半，因為得番半隊人。」

{{hket:inline-image name="5.jpeg"}}{{/hket:inline-image}}

麥明詩認愛盛勁為邊個追邊個？ 男友識做「滲入」未來外母社交平台【下一頁】

56歲鄭伊健不老男神招牌不保？ 被野生捕獲嘲殘爆 引發網民罵戰【下一頁】

ERROR出道以來，暫時在頒獎禮上仍未能奪得大獎，但仍然好有體育精神出席頒獎禮。每年都會為得獎作出承諾的他們，問到今年的承諾時，肥仔最初都好保守表示：「希望今年拎到獎，下年都繼續有得坐喺度。」相比以往的裸跑的承諾較小事，阿Dee即笑說：「之前裸跑都攞唔到獎，證明大家好高要求，你想我點啫？攞條脷出嚟切畀你睇好冇？我攞獎就封嘴，切咗條脷出嚟，封咪唔再唱，夠膽就畀個金獎我啦﹗」

與MIRROR屬同一公司，風頭都被搶去不少，被問到會否不睇好對方得獎，ERROR立即嘩聲四起，肥仔打圓場說：「呢題好刺激喎，我哋都睇唔起我哋ERROR，咁點睇得起MIRROR呢。」不離搞笑本色的阿Dee反問MIRROR是哪一隊。另外，193做舞台劇期間病倒，兩位成員笑稱不會關心對方，不過之後都謂會去撐場欣賞對方演出，肥仔還大爆今日出席記者會時，在場地附近拾到193舞台劇門票的票尾：「唔知邊個同事問公司拎飛，我哋見到張飛係0元嘅。」

採訪：王連連

攝影：馬駿傑

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】