枱底隧道丨ERROR割席死腳膠賣錯式感情觀 許願集郵心中女神靠「全民追星」？

組合ERROR近日推出新歌《枱底隧道》，邀請到黃偉文為他們打造有趣的歌詞，描述人群之中總有些關係是飯桌下才會知道的事，相當神秘且不見光。郭嘉駿（193）拍攝節目《戀講嘢》坦言學習到拍拖一個有關手提電話的大忌，肥仔則煞有介事爆料：「佢識玩咗好多，而家有個朵叫194次郎。」到底言之所指係...？

{{hket:ul-video id="9184"}}{{/hket:ul-video}}

繼早前在節目《ERROR暑期自作業》以「死腳膠」樂隊推出歌曲《404死腳膠》後，ERROR今次再次大玩玩味情歌《枱底隧道》，193、梁業（肥仔）、 何啟華（Dee）及吳保錡今次大談自己的愛情觀。提到「死腳膠」身分，ERROR立即割席，「死腳膠唔關我哋事，雖然同死腳膠都熟，佢哋行以前傳統嗰套，洗黑錢就搵佢哋，但ERROR係合法唔做呢啲嘢。大家見而家仲未有人搵死腳膠做嘢，又冇拍MV，連放上音樂平台嗰隻歌版本都係未做混音，就係因為未有錢！」他們表示今次「枱底」意思是有如中學舊同學聚會，枱面似乎只是一般朋友關係，但可能其中兩位曾經戀愛過，又或者有不為人知的事，歌曲正正是這個意思，193說：「兩公婆結咗婚都可能各自出軌，同學聚會原來私下拍拖唔想人知又唔講。」肥仔認為人性永遠都想發掘別人秘密，當關係公開之後就失去追求的樂趣，總是曖昧不認時最引發大家好奇心。

{{hket:inline-image name="DSC05894.jpg"}}{{/hket:inline-image}}

{{hket:inline-image name="DSC05901.jpg"}}{{/hket:inline-image}}

{{hket:inline-image name="370553310_18152981644288645_125195105910518831_n.jpg"}}{{/hket:inline-image}}

{{hket:inline-image name="375597182_18154957978288645_7033998695716962300_n.jpg"}}{{/hket:inline-image}}

肥仔日式餐廳結業遭貼街招追數 當買個教訓：做生意要親身落場【下一頁】

提到193在《戀嘢講》節目中，見識過不少愛情的奇難雜症，甚至好多意想不到的荒誕兩性關係，問到會否改變他的戀愛觀，193還未開口，肥仔率先搶答：「佢識玩咗好多，而家有個朵叫194次郎。」193說：「其實學到就係唔好check對方手機，手機始終好多秘密，唔一定偷食，但有啲嘢唔想伴侶知。（你忍到？）我忍到呀，不過唔係性別歧視，男仔多數冇乜所謂，男人大意少少，女仔會check！」他笑言見到男方跟其中一個電話號碼全部都是付款交易就要小心，不排除是召妓記錄，「300蚊一次嗰啲，如果全部係300蚊，咁你就知咩料，（300蚊咁平？）百貨應百客，300蚊可能唔包沖涼囉，水費都要錢啦大佬！」

{{hket:inline-image name="oiiiiiiiiiiiiiiiiiiiiiiiiiiiii.jpg"}}{{/hket:inline-image}}

{{hket:inline-image name="yhhhhhhhhhh.jpg"}}{{/hket:inline-image}}

提到ERROR今年只有一首派台歌，產量比往年更少，Dee笑言：「呢種叫肌餓式營銷，最理想梗係一年有三首，但我哋又唔係主要爭獎，橫掂ERROR都攞唔到獎，冇所謂啦！最緊要開心。」193認為出歌只是希望保持有團歌，免得演唱會不夠歌合唱。

193郭嘉駿@ERROR捱壞身體食10日抗生素 談謝票非義務：言論上係講錯咗【下一頁】

提到MV邀請到性感女神孫佳君做女主角，他們大爆Dee是孫佳君真正Fans，肥仔說：「保錡不斷搬啲戲名出嚟，又話《強姦3OL誘惑》又話《大內密探零零發》，人哋淨係拍過《百變星君》，保錡全錯，根本係假Fans，Dee哥先係真Fans。」193表示起初大家都比較怕醜，全靠保錡𠱁得孫佳君姐姐開心，「不過我哋有個隊友望住孫佳君目不轉睛，仲見到佢黑絲襪穿咗窿同我哋講，我哋都冇為意，得佢一個見到，（邊個？）唔講啦，死腳膠個主音囉！」

Dee坦言自己由細鍾意到大，他說：「好神奇，呢個世界真係好有吸引力法則，我做所有嘢唔係揚言想同黃子華、孫坐君合作，但原來努力Kepp住做，冥冥中就有機會，真係始料不及。細個唔多女神，點解咁啱公司揀到佢呢？真係好神奇。」193和肥仔一臉不是味兒，笑指：「標題就可以寫大前輩自動送上門同何啟華合作！」問到大家的女神，193揀周慧敏，至於肥仔原來是「台灣控」，他最愛林熙蕾、林志玲及侯佩岑。何啟華被形容為「追星界的天花板」，他笑言：「就算同鄭伊健合照都好夢幻，唔做藝人都合作唔到，追星就要做藝人，勸大家早啲入行，《全民造星》改為《全民追星》，報名時列出十位你想追嘅偶像，入行就有機會親近佢！」

{{hket:inline-image name="IMG_7680.JPG"}}{{/hket:inline-image}}

場地：Studio Meta
化妝：Cori Wong、Yumi Cheung @Annie G. Chan Makeup Centre
髮型：Harris Lai、Sindy@ CHIC Private I salon

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組