舞台劇《Laugh Vacation》丨193郭嘉駿擔心跳唱演出喉沙沙 頭三日要做五場：有冇得放病假？

由ERROR成員郭嘉駿（193）、楊偉倫（阿卵）、韋羅莎、朱栢謙等主演的舞台劇《Laugh Vacation》，將於10月27日起假演藝學院歌劇院公演，一眾演員昨日在新蒲崗進行綵排，排練一段講述在酒店舉行謝師宴的趣事，193和阿卵飾演學生，韋羅莎和朱栢謙就扮演老師。

同場加映：

4拍4家族│謝安琪捱凍吹奏家庭溫暖樂曲 Anna向前輩取經學做堅毅獨立歌手

{{hket:ul-video id="9337"}}{{/hket:ul-video}}

{{hket:inline-image name="8.jpeg"}}{{/hket:inline-image}}

{{hket:inline-image name="5.jpeg"}}{{/hket:inline-image}}

193表示還有大約一星期就公演，心情非常緊張，「我未試過跳唱，自彈自唱，呢兩part係最緊張，同埋對住佢哋一班大前輩，佢哋嘅反應同即興能力係超勁，energy好高，我嘅energy比較低，所以我會觀察吓佢哋，睇吓佢哋點樣用聲。」阿卵表示通常都是飲咖啡，之後就要飲用其他補品。193續說：「我幻想唔到，第二日就要下畫一場，夜晚一場，即係頭三日要做五場，有冇得放病假？」阿卵答他：「我哋每個禮拜有一日休息，唔使驚！」193坦言最擔心是失聲，因為平時一直用錯喉嚨聲，覺得聲帶有點沙，「或者盡早睇吓醫生，睇中醫，因為我細妹最近開咗一間中醫醫療所...」阿卵似乎很有興趣：「咦，咁要介紹吓喎！」

Laugh Vacation丨193對住舞台劇前輩變鵪鶉 用另一面取悅觀眾：同平時笑點唔同【下一頁】

提到他們在飾演學生，193回想到中學年代，是一名曳學生，「我經常唔揳衫，最緊要係gel頭，以前唔畀gel頭，話係標奇立異，跟住阿sir每次見到我，就用把梳梳我個頭，梳番直我啲頭髮，因為噴霧一粒粒，跟住全日個頭都係咁，令我覺得好侮辱。」阿卵一臉懷疑問道：「呢個阿sir梳你個頭嘅時候，難唔難？」193說：「佢都好高，佢都1米8，我初中嘅時候，大約1米8，所以佢係唔難梳。」阿卵接著說：「哦！佢都係平框咁樣梳嘅，如果我做sir，見到你gel頭就『算啦，由佢啦！』費事自己尷尬！」阿卵要扮演學生，怎樣去說服觀眾？他笑說：「喺造型上，我惟有著得潮啲，好合時宜囉！總之服裝人員幫到我，令到大家相信我係一個把聲牛少少嘅學生。」

{{hket:inline-image name="17.jpeg"}}{{/hket:inline-image}}

戀講嘢丨日本女優浜崎真緒埋身誘惑193 臉紅耳熱硬晒翹腳：驚條褲有異樣【下一頁】

對於Mike導新作《無制限探險隊》，本來想搵ERROR拍攝，193即說：「我哋而家比較少做咁黐線嘅嘢，都一把年紀，挑戰唔到啲底線，留番畀啲後生，（好彩冇期做？）有期都未必去！我一定推！因為有動物......遠距離我都唔得，更何況近距離？我唔使要黃金畫面，做吓舞台劇就開心㗎喇！」

{{hket:inline-image name="18.jpg"}}{{/hket:inline-image}}

此外，提及193主持《晚吹- 亂講嘢》邀請了日本女優浜崎真緒（DJ Mao），有指193當時整個人僵硬，他解釋：「呢個係誤會，我冇硬晒軚，因為我比較少睇知名嘅女優，當時我係唔知佢係邊個，但一拍完之後，勁多人排隊同佢影相簽名，嘩！原來佢咁出名，所以我返屋企睇番，如果我做咗功課再同佢做訪問，嗰日會再興奮好多。（會唔會繼續睇佢作品？）我本人睇素人多。」

採訪：黃曉妍

攝影：馬駿傑

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】