黎耀祥帶老婆捐窿捐罅食好嘢 三個暖男舉動祥嫂做幸福小女人

視帝黎耀祥（祥仔）除咗為無綫拍節目介紹香港美食之下，喺內地都會同太太捐窿捐罅介紹地道美食，再喺抖音同網民分享。日前佢就同太太去到山旮旯搵食，二人自然流露嘅恩愛，唔少內地網民都大表羨慕。

同場加映：羅密歐與祝英台丨鄺潔楹善忘悲傷喊戲搵人求教 望突破限制做「細細粒」女主角

{{hket:ul-video id="9463"}}{{/hket:ul-video}}

黎耀祥同太太梁耀蓮（Julia）結婚逾25年恩愛如初，Julia同時係黎耀祥經理人，為佢妥善打點好一切事務。黎耀祥近年北上發展，不但同太太一齊出席各大活動，又不時曬恩愛，真正係愛妻號一名。

{{hket:inline-image name="360657057_812808877171953_442570781947180383_n.jpg"}}{{/hket:inline-image}}

黎耀祥日前帶太太去到山旮旯食農家菜，入場時已被大批食客歡迎，祥仔同老婆手拖手笑容滿面步入餐廳，好似拍拖冇耐咁呀！黎耀祥同客人打招呼，非常親民，毫無視帝架子。黎耀祥每道菜食得都好滋味，而且每次都一定先夾畀老婆，老婆都會好感恩咁Say Thank You，絕對唔會因為老夫老妻而「老奉」，相敬如賓，真係Relationship goal！

之後黎耀祥太太唔想搣蝦，黎耀祥即刻自動波搣埋畀老婆，真係錫到老婆燶，非常甜蜜。唔少網民都留言大讚祥仔體貼：「我和老公不知道多久沒牽手了」、「小細節騙不了人」、「真係是愛妻號，好男人」。

黎耀祥有兩段婚姻，未入行讀夜校時邂逅前妻，相戀10年，1992年結成夫婦。但婚後不足一年，黎耀祥在拍攝劇集《俠女遊龍》時結識了現任妻子Julia一見鍾情，與前妻離婚。佢曾表示為完成父母心願才與前妻結婚，並對此心懷愧疚。黎耀祥與Julia婚後育有一子黎正橋（Kirk），多年來Julia為老公事業出心出力，黎耀祥當年奪下「三料視帝」時公開感謝Julia多年付出及陪伴。

圖片來源：抖音