吳彥祖內地買眼鏡助手認證本尊 老闆娘手足無措網民笑爆：可以理解

吳彥祖近年長居外地，不過隨疫情緩和全球解封，佢都開始再做「空中飛人」周圍去。繼之前返香港同去台灣之後，早前佢去到內地開工，仲幫襯一間眼鏡店時被舖頭閉路電視拍低，事後老闆將片段放上網，惹嚟唔少網民羨慕！

同場加映：

我們的青春日誌丨蘇韻姿「被離家」迷惘中轉化心情 自責累媽媽擔心：佢想令我振作

{{hket:ul-video id="9406"}}{{/hket:ul-video}}

吳彥祖近日去到浙江省南潯古鎮拍戲，佢表示好開心終於可以做番佢「本業」演員，又稱做演員嘅好處之一，就係可以去一啲平時冇機會去嘅好地方，吳彥祖於社交網留言：「在中國工作的這些年裡，我見過很多美麗的地方，從一望無際的美麗竹林到內蒙古寒冷的平原。過去幾天，我沿著這條美麗的運河漂流而下，欣賞距離上海幾個小時車程的南潯令人驚嘆的建築。這座小城市曾經因生產優質絲綢而聞名於世，產品銷往世界四個角落。」

{{hket:inline-image name="14.JPG"}}{{/hket:inline-image}}

吳彥祖工作之餘都有喺當地行街，日前佢就去到一間眼鏡舖驗眼兼購物，興奮到老闆不能自己。吳彥祖帶同兩位疑似係助手嘅人去到舖頭，戴上口罩同眼鏡嘅佢都擋唔住氣場同光芒，老闆娘一眼就認到佢。老闆仲有啲懵懂咁介紹眼鏡，老闆娘認到就已經雙眼發光，仲行嚟行去，又去着番外套同照鏡打扮一番，行為非常可愛。老闆娘同老闆細聲「通水」，雙方都唔敢相信自己眼前見到嘅嘢，直到吳彥祖男助手做咗一個「安靜」嘅手勢，佢哋就冷靜落嚟繼續提供服務。

唔少網民都勁羨慕佢哋，見到呢個級數嘅明星真係好難得，仲叫佢哋做一個「吳彥祖同款」推銷，一定會大賺咁話！佢哋又讚老闆、老闆娘冇騷擾吳彥祖，或要求合照簽名等，態度好好，同時表示「體諒」老闆娘有呢啲反應，稱：「她老婆到處亂走想告訴別人！她看到吳彥祖了。哈哈哈哈哈」、「老闆一家都是高素質啊，事後才發出來。挺好的，沒有去打擾顧客，雖然他是吳彥祖」、「老闆竟然還叫老婆！不要聲張，換我肯定得尖叫跺腳求合影」、「你老婆好忙啊，笑死我了」、「她老婆戀愛了，小鹿亂撞」、「老板娘還去穿了件外套進行了一番無效打扮」；老闆就表示自己一啲都唔介意老婆見到吳彥祖就「心心眼」，表示：「拜託那可是吳彥祖？誰不愛吳彥祖？我都要被掰彎（轉成同性戀）啦」。

圖片來源：抖音