48歲吳彥祖美國獲頒「李小龍獎」 花美男變型佬完美撞樣劉松仁

現年48歲嘅吳彥祖（Daniel）日前獲亞洲國際電影節與李小龍基金會頒發「李小龍獎」，該獎項是李小龍家族頒給傑出武術家，洪金寶曾奪此殊榮。

同場加映： 炎明熹唱歌老師│ 高晨維曾因屋企破產離開香港樂壇 以過來人身分陪伴學生經歷起跌

{{hket:ul-video id="7022"}}{{/hket:ul-video}}

Daniel親自到美國洛杉磯領獎，並表示深感榮幸：「真的是一個很夢幻的時刻，因為我從小就超迷李小龍，他每部電影我都看過無數遍，還看過所有他寫的書及每一本關於他的書。我還試圖把他的處事原則應用在自己生活方面，甚至連我的狗都叫Bruce Lee，這樣我就可以每天聽到這個名字。所以這個真的是非常圓滿的時刻，我真的感到很榮幸，也深覺自己渺小。」

{{hket:inline-image name="501955e4f6fca3e12b2caa6161d5b965saasftp20200221.jpg"}}{{/hket:inline-image}}

Daniel於美國出生和成長，年輕時憑着靚仔外形及實力逐步成為香港電影界一線男星。近年Daniel與太太Lisa S.及囡囡吳斐然（Raven）搬返美國居住，並於當地繼續發展演藝事業，亦獲得不錯的成績。多年嚟Daniel除咗演技之外，外形亦難免成為討論話題，日前Daniel領獎時面部略為浮腫，感覺憔悴，唔少網民都表示擔心佢嘅身體狀況。

Daniel近年成熟不少，呢日更被指與Johnny Depp、劉松仁撞樣，不過未知係咪由於短片唔夠清晰，加上現場燈光問題，先會將佢瑕疵放大，亦有人力撐Daniel愈來愈有魅力：「髮型影響了顏值，依然很帥」、「自然老去有魅力」！

雖然唔少人都好想好似Daniel咁靚仔，但原來靚仔對佢嚟講就唔係一份祝福，而係負擔，年輕時Daniel曾經表示「靚仔」有時對佢嚟講好負面：「我個樣就係咁，唔通我要打爆自己個鼻？大家單憑我個樣嚟判斷我係好唔公平，我試過有女仔一見到我就黑面，認定我係Playboy而唔想同我講嘢。」