林泳淘兩年前出嫁終過大禮 下月補擺酒：傳統習俗複雜到爆

現年33歲嘅林泳淘2021年宣布同拍拖14年嘅初戀男友林卓立將步入人生新階段，隨後post出婚照，原來已低調簽紙成為人妻。不過原來當時只係因為疫情而唔可以大搞，昨日佢post出老公過大禮嘅相，仲表示下個月會補擺酒，可喜可賀！

同場加映：4拍4家族│謝安琪捱凍吹奏家庭溫暖樂曲 Anna向前輩取經學做堅毅獨立歌手

{{hket:ul-video id="9337"}}{{/hket:ul-video}}

林泳淘post出過大禮照，見枱上大禮堆到滿一滿，仲有金豬同龍鳳鈪等金器，非常喜慶，林泳淘留言：「Finally♥️（終於）朋友們我哋下月見！#結婚啲傳統習俗真係複雜到爆#終於又完成一項#辛苦晒朋友s#辛苦晒爹哋媽咪#」泳淘表示開頭搞婚嫁嘅嘢真係頭都大埋，不過就「外判」畀婚嫁公司一條龍做晒：「我同林生對傳統嘢真係零概念…..好多奇難雜症怪問題，佢都好有耐性幫我哋解答晒！Thanks a lot！」

{{hket:inline-image name="193355288_598981141054723_2930904122812432834_n.jpg"}}{{/hket:inline-image}}

唔少網民都送上祝福，大讚二人合襯，亦有網民都留言表示驚訝：「以為你已經結咗。」、「無跟開，以為你哋一早結咗婚。 恭喜。」、「咦，我以為你哋一早結咗。」之後泳淘都有回覆:「 yes😂簽咗字，未擺酒。」

其實林泳淘早喺兩年前已經嫁出，不過因為疫情，所有傳統儀式都被迫大兜亂，二人只係先簡單簽字，原定計劃於外地舉行婚禮，但因限聚令改喺香港先行註冊，由家人與幾位好姐妹見証下簽字結婚。當時佢分享做人妻感受：「對於新嘅身份，我仲係無乜實感，（努力執屋中）。不過林生就好開心，（幸福mode執屋中xdd）。」

林泳淘認定老公係因為兩次車禍，因為同老公輪流炒車就帶佢去拜神：「師傅見到我哋個八字就話，哇，你兩個人真係天作之合，個八字咁夾嘅，有無諗住結婚呀？林生就好爽快咁話 : 有呀！」林泳淘指丈夫都早有準備：「呢次係我第一次聽到自己要結婚嘅事，（事後先知，原來佢之前已經訂好戒指，只係疫情關係一直卡住喺外國成年幾都未寄到返香港），跟住師傅好快就畀咗兩個日子畀我哋，而其中一個，咁啱就係我哋嘅拍拖紀念日。（一切都是整定的）」

圖片來源：INSTAGRAM