林泳淘疑被非禮出甫被責博出位 朱智賢陳婉衡力撐：我都試過

前「東張女神」林泳淘日前於社交平台自爆乘搭港鐵時，遭到陌生男子公然「摸pat pat」非禮，但就有網民質疑「夠膽影相，但唔夠膽報警？」，又指佢公審該男子，冇將男子打格遮蔽。就此事林泳淘已立即刪相，但仍有唔少網民攻擊佢博出位，今日佢打出長文道歉並解釋自己點解要咁做。

同場加映： 黃光亮視黃霑為榜樣夜店下跪拜師 人生閱歷豐富 半退休學笑看風雲

{{hket:ul-video id="8483"}}{{/hket:ul-video}}

林泳淘留言首先講點解自己當時會選擇出story：「有人話：『你夠膽影相，唔夠膽報警？』我只能夠話唔係發生喺你身上，你梗係講咩都可以好大聲。事情發生嘅當下你根本反應唔切，而就算回魂之後只有一個人你都會考慮好多嘢。我應唔應該大叫？如果佢唔認咁點？我係咪應該捉住佢？佢會唔會發爛渣?而到最後，影相係我能夠為自已做嘅事。嬲自己冇即時反應到，唔希望呢啲事會喺其他人身上再次發生，帶住又嬲又後悔嘅心情出咗story，呢個係我嘅初衷。」

{{hket:inline-image name="9899636c7ff73560a7f5b97f61ed4e06.jpg"}}{{/hket:inline-image}}

隨後佢就為自己冇為男子打格嘅魯莽道歉：「到工作完之後見到有人dm提醒我唔應該出樣，我先覺知到自己唔啱，所以del咗相嘅story。戴住口罩就疏忽咗打格嘅重要性，真係冇confirm到對方意圖就出story。係自己考慮不周，我明白自己嘅錯，當然嗰時已經太遲，亦冇諗過事件會咁樣發酵。對於衝動而作出錯誤嘅行為影響到人，呢一點係我最內疚嘅地方。」

林泳淘反駁網民嘅各種指控，指出Post係想大家引以為誡：「但同樣嘅事，無論喺任何性別人士身上，我都會一樣氣憤，只係女性比男性遇到非禮事件嘅比例多好多，我先會話女仔要好好保護自己，男士請好好保護女伴，理解呢番說話真係咁難？對於大家延伸出嚟嘅甚麼女權論、男人就係原罪、淨係識利用網絡公審、為賺流量不擇手段、唔報警就係講大話、向祖國邁進、做雞都怕蝕底等待如此偉大嘅言論，我真係腦洞大開。仲有人話做男人好危險，應該要有男士車卡等等，我唔係歧視，不過想問，乜搭車小心自己隻手唔好摸到人patpat真係咁難？」

不過其實佢最怕都係網民對佢嘅強烈攻擊會令到其他女性遇到同樣事情會更加唔敢出聲：「對於認為自己言行絕對正確嘅人，我除咗深表遺憾都冇咩好講。只係抱歉因為自己處理得不恰當，而令事件變得難堪。希望唔會影響被同類事件傷害過嘅人嘅心情，或者令人遇到非禮事件之後變得更加難以啟齒。慶幸自己唔係太過脆弱嘅人，仲未被深深二次傷害到。」

而朱智賢就留言力撐，表示身同感受：「我都試過！個腦真係會一片空白！又驚大叫無人會幫我，叫完仲尷尬。」陳婉衡就附和表示：「same! Totally feel you girl!（我同你一樣，我完全明白你感受！）另一藝人譚杏藍都譴責一啲話林泳淘博出位嘅網民：「係咁㗎，而佢哋唔知道自己已經變成幫兇。」

不過都有網民繼續狙擊林泳淘：「好支持女性遇到非禮事件要即事尋求協助及報警（而家地鐵車廂有cctv）；但冇證據下單憑你講就出樣網絡公審，亦唔見得係文明做法，人格謀殺亦唔係話delete post講句處理失當就可以當冇件事。」

圖片來源：東星娛樂