東張西望丨為生仔收16萬做第三者兼代孕 黃小姐稱被情騙：我冇破壞佢婚姻

《東張西望》一連三集搗破「詐騙集團」，疑似利用「難民食物卡」入貨再轉售圖利，不少觀眾都讚做得好，不過昨晚一單個案就相當有爭議性，更激罕未有在YouTube上載有關報道片段，未知是否擔心激起民憤，但網友照在預告片中留言鬧爆。節目以「代孕情騙」為題訪問40歲的事主黃小姐，她表示今次來港目的是尋找謝生，她跟謝生有協議為謝生代孕，後來黃小姐「沉船」愛上對方，謝生明顯有意避開對方而「潛水」消失。

同場加映：中年好聲音丨車婉婉亡母情緒鬱結致失聲陷低潮 順逆好壞拼湊成冠冕：無悔無怨

{{hket:ul-video id="9363"}}{{/hket:ul-video}}

東張西望丨梁敏巧勇闖追訪難民食物卡案受傷 彭太否認圖利：我簡直好心到痺【下一頁】

{{hket:inline-image name="460f8602-397b-4e09-a974-1219d8988b19.jpg"}}{{/hket:inline-image}}

{{hket:inline-image name="3f75f3dd-e09a-48f1-90d5-230a82b5addd.jpg"}}{{/hket:inline-image}}

《東張西望》派出李旻芳（Lucy）訪問黃小姐，黃小姐透露今次來的目的要搵謝生，希望對方兌現番承諾照顧BB成長，但其實她口中的「BB」只是冷凍胚胎。黃小姐說：「可能好多人會話我傻話我蠢，好多人會鬧我破壞人家庭，但我只不過想做媽媽。」黃小姐口中的謝生是她的小學同學，現居香港，小學畢業直至2019年互加微信期間都沒有見過面，但謝生已婚並育有兩名小朋友，在外父公司做管理層。直至黃小姐聲稱遭前度男友家暴，患上抑鬱焦慮兼失眠，曾試過三度撞車，亦要到精神科醫生求醫，在她的黑暗時期多得謝先生的安慰送暖。

黃小姐指謝生透露父母想要男孫，而謝太因子宮問題無辦法再生育，他正考慮向朋友圈出手搵試管嬰兒，後來跟黃小姐研究雪卵話題，黃小姐聲稱自己跟謝生起初是純友誼，她雖然不憧憬婚姻但想生小朋友，一度想同暴力前度復合，但謝生勸阻。最終黃小姐主動開始雪卵，每月到醫院打排卵針，花費3至4千元人民幣。「我哋冇發生超越朋友嘅關係，但佢叫我唔好做嘢，經濟方面由佢解決，叫我專心留喺屋企養好身子生BB！佢又話會安排小朋友讀國際學校，又會買深圳房子畀小朋友，我覺得佢好好！」

黃小姐指她跟謝先生大半年後終於見面，對方直接表白要求黃小姐做女朋友，黃小生說：「都幾意外，但佢有家庭、有太太，好似唔係咁好，（咁你點答佢？）後尾都係默認接受咗，因為我覺得佢係真心對我好！」兩人維持親密關係半年時間，黃小姐揭發謝先生有「小四」，質問對方，其後謝先生人間蒸發，黃小姐有感被情騙，最嬲係生唔到B！

東張西望丨揭用難民食物卡入貨再轉售圖利 賺盡納稅人錢 網友讚節目：做得好【下一頁】

{{hket:inline-image name="d880184e-f242-426f-86f7-335622b7d23b.jpg"}}{{/hket:inline-image}}

{{hket:inline-image name="609d8619-7e4f-474e-aa4d-afc8743537d4.jpg"}}{{/hket:inline-image}}

{{hket:inline-image name="b3b03e7d-5f2e-4de1-ab08-2e774fc02c3c.jpg"}}{{/hket:inline-image}}

作為人妻的主持Lucy訪問黃小姐期間都非常中立，未有動之以情，反而不斷質問她破壞婚姻一事，「有冇諗過破壞人家庭？」、「即係你默認做人小三？」、「你唔覺得對人哋太太好唔公平咩？」、「你都知佢有老婆但又接受唔到佢同其他女人一齊？佢都係咁同你一齊呀喎！」等等。

YouTube網友都照樣在該個案預告片下面留言狂鬧，「呢個女人真係極度無恥」、「東張西望。咁都接。呢啲女人整壞風氣」、「屋企嗰個先係一生一世嗰個，你只不過係卵子提供者，博咩啊」、「最詭異在於，兩個當事人都唔係香港人」、「要尋人就大方啲，打晒格仔好難幫你囉…有心做好個節目，就唔好幫人破壞人地家庭啦！仲講到自己咁清高...完全唔知醜嘅女人」等等。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

圖片：《東張西望》電視截圖
撰文：娛樂組