「有樓有高潮」29歲未上岸變福相 Seasun內地搵食曾傳搭上趙世曾

拜金港女Seasun2017年喺無綫實況節目《有樓萬事足》中語出驚人彈出，之後就爆出佢曾經同城中富豪趙世曾過從甚密，又曾經拍三級片，一度非常出位。不過近年Seasun就失蹤咗，原來佢已經冇再喺演藝圈打滾，現時北上搵食。

同場加映：FINALLY搞舞台劇為阿冰甘願做配角 諗計博觀眾一笑：盡量唱得差啲

{{hket:ul-video id="9408"}}{{/hket:ul-video}}

「有樓有高潮」同「冇樓唔好白撞」嘅Seasun唔經唔覺已經29歲，翻睇佢社交平台，現時已經冇再做藝人，反而喺一間marketing公司工作，不過就要用通訊軟件同佢溝通，冇太多其他公司資料，非常神秘。見佢多數時間都喺內地搵食，同同事一齊宣傳一啲控衰老產品，自己做生招牌。而佢嘅外形都比之前樸素，有時會以師奶造型見人，仲發咗福少少，塊面脹卜卜，一條紋都冇呀！

{{hket:inline-image name="62.JPG"}}{{/hket:inline-image}}

而Seasun感情生活似乎都暫時係空白，唔知係咪因為自己已經成功上樓，所以就唔需要「公猴嘅洞穴」呢？2018年Seasun已經有樓揸手，根據土地註冊處嘅紀錄，鄧湤鉮（Tang Seasun）買咗筲箕灣柏匯低層300呎單位，作價約600萬元。Seasun當時就話係靠儲蓄同屋企人親戚夾份買。

Seasun當時話有錢買樓因為之前接咗接拍三級片《有罪》，當中佢要全祼演出同着SM裝出鏡，佢更表示第時搵到好嘅男仔，可以同佢一齊住呢。當時喺無綫真人騷節目《求愛大作戰》擔任導師嘅Karl曾爆料2012年Seasun參加國際旅遊小姐時「跟咗」趙世曾，又指Seasun「目標清晰」，但只要唔傷害到人，唔犯法就得。

一齊重溫Seasun當年「金句」：

「如果冇樓就唔好白撞。」

「要追我梗係要有誠意，準則就是要有一層樓，是表達愛的方法。」

「有樓女人先有高潮。」

「有高潮先易有BB，安穩嘅環境下佗B都係好事，畀到女人好大安心。」

「如要生BB，一間屋唔大唔細，舒服的最好要有2,000 呎，例如何文田恆信苑呢類舊樓就最好。（地產經紀指：至少要 1,000 萬首期）幾多錢唔係問題吖，都唔係我畀！」

圖片來源：Instagram